Normal view

There are new articles available, click to refresh the page.
Today — 22 June 2024Main stream

Borrell kërkon hetim për bombardimin e zyrës së Kryqit të Kuq në Gaza

By: Re Nato
22 June 2024 at 16:43

Shefi i Punëve të Jashtme të BE-së, Josep Borrell, ka bërë thirrje për një hetim mbi bombardimet vdekjeprurëse që dëmtuan një zyrë të Komitetit Ndërkombëtar të Kryqit të Kuq (KNKK) në Gaza.

“BE-ja dënon bombardimet, të cilat dëmtuan zyrën e KNKK-së në Gaza dhe çuan në dhjetëra viktima. Nevojitet një hetim i pavarur dhe përgjegjësit duhet të mbahen përgjegjës”, shkroi Borrell në X.

The EU condemns the shelling which damaged the @ICRC office in #Gaza and led to dozens of casualties.

An independent investigation is needed and those responsible must be held accountable.

Protection of civilians is an obligation under Geneva Conventions.

1/2

— Josep Borrell Fontelles (@JosepBorrellF) June 22, 2024

Asllani, “mister catering”, e përditshmja “Marca” thur elozhe për mesfushorin

22 June 2024 at 16:36

Epitetin ia ka vënë vërtet shumë të bukur. Kristjan Asllani cilësohet si “mister catering” nga e përditshmja spanjolle “Marca”, e cila gjurmën edhe mediat italiane kur vjen puna për yjet e kombëtares shqiptare.

“Marca” i referohet një mediaje në Apenine, të quajtur “Cronache di spoliatoio”, pra “kronika nga dhoma e zhveshjes”. “Mister Catering”, Asllani cilësohet sepse është njeriu që lidh lojën e “kuqezinjve”, një lloj organizatori, edhe pse më pranë mbrojtjes si pozicion sesa sulmit.

Gazeta madrilene thekson faktin se shqiptari 21-vjeçar ka luajtur 13 ndeshje për Inter ka shënuar 2 gola, ka dhënë 2 asistë, ndërsa kartoni i tij dy vjet më parë u mor për 10 milionë euro. Nuk janë shifrat që shpenzon Real Madrid apo Barcelona, por të veshësh fanellën “zikaltër” e të luash në “San Siro”, do të thotë diçka.

Asllani pritet të jetë në fushë kundër Spanjës, këtë të hënë në Euro 2024, dhe “Marca” i referohet fjalëve të trajnerit të Shqipërisë, Sylvinho që thotë se lojtari është rritur shumë dhe është shumë I fortë nga ana “mendore”. E përditshmja spanjolle thekson se Kristjani dhe shokët e tij ëndërrojnë një fitore ndaj “iberikëve” dhe kualifikimin për në të tetat e finaleve. /i.m /abcnews.al

Aeroplanmbajtësja amerikane mbërrin në Korenë e Jugut për stërvitje të përbashkëta ushtarake

By: Re Nato
22 June 2024 at 16:24

Aeroplanmbajtësja amerikane Theodore Roosevelt mbërriti të shtunën në qytetin portual Busan të Koresë së Jugut për të marrë pjesë në stërvitjet e përbashkëta ushtarake më vonë gjatë këtij muaji me vendin pritës dhe Japoninë, njoftuan zyrtarë të marinës.

Udhëheqësit e të tre vendeve ranë dakord gjatë një takimi të nivelit të lartë gushtin e vitit të shkuar për të kryer stërvitje të përbashkëta ushtarake vjetore, në kuadër të përpjekjeve për unitet përballë fuqisë në rritje të Kinës dhe kërcënimeve bërthamore nga Koreja e Veriut

Në stërvitjet e këtij muaji, nën emrin “Pragu i Lirisë” (Freedom Edge), forcat detare të të treja vendeve do të kryejnë manovra detare, stërvitje luftarake anti-nëndetëse dhe stërvitje të mbrojtjes ajrore, tha kundëradmirali amerikan Christopher Alexander.

“Synojmë të përmirësojmë ndërveprimin midis marinave tona dhe të sigurohemi që jemi të gatshëm t’i përgjigjemi çdo krize apo emergjence,” tha ai në një konferencë për shtypin, duke thënë se aeroplanmbajtësja “Theodore Roosevelt” do të shërbente si anija komanduese për stërvitjet.

Vitin e kaluar Shtetet e Bashkuara, Japonia dhe Koreja e Jugut kryen stërvitjet trepalëshe me qëllim përmirësimin e aftësive për të reaguar ndaj kërcënimeve të Koresë së Veriut.

Presidenti rus Vladimir Putin vizitoi Korenë e Veriut javën e shkuar, për herë të parë pas 24 vjetësh dhe firmosi një marrëveshje me udhëheqësin Kim Jong Un, që përfshin ndër të tjera zotimin e palëve për të ndihmuar njera tjetrën në rast të një sulmi.

Lufta në Gaza, aktori Ben Stiller bën thirrje për zgjidhje me dy shtete

22 June 2024 at 16:24

Aktori i mirënjohur Ben Stiller ka bërë thirrje për nevojën e një zgjidhjeje me dy shtete në një opinion për revistën TIME.

Në artikull, ylli i Hollivudit tha se ai kishte parë ngjarjet që po ndodhnin në Lindjen e Mesme dhe “duke u përpjekur të përcaktonte se si të reagonte”.

“Ashtu si shumë hebrenj, unë shpreh ngushëllimet për ata që vuajtën në sulmin barbar të Hamasit më 7 tetor dhe për ata që kanë vuajtur si rezultat i atyre mizorive. Zemra ime dhemb për familjet që humbën të dashurit nga ky akt i tmerrshëm terrorizmi dhe për ata që presin me ankth këto muaj të gjatë për kthimin e pengjeve ende në robëri. Është një makth.

Unë gjithashtu shpreh ngushëllimet për njerëzit e pafajshëm në Gaza që kanë humbur jetën në këtë konflikt dhe ata që vuajnë nga ai realitet i tmerrshëm tani.”

Ai tha se donte që “dhuna të përfundojë” dhe bëri thirrje për “nevoja për një zgjidhje me dy shtete”.

“Ai që siguron që populli izraelit mund të jetojë në paqe dhe siguri së bashku me një atdhe për popullin palestinez që u ofron atyre të njëjtat përfitime,” përfundoi ai.

/abcnews.al

Barazohen shifrat në Hamburg, Schick tund rrjetën e kundërshtarëve

22 June 2024 at 16:22

Ishte një barazim me shumë fat. Pas aksioneve të shumta sulmuese, Çekia ka arritur të gjejë golin e barazimit përballë Gjeorgjisë, duke nisur kështu festën e tifozëve të tyre, në tribunat e “Volksparkstadion”, të Hamburgut.

Nga një rrëmujë në zonë përfiton “bomberi’ i Bayer Leverkusen, Patrik Schick, i cili ndodhet në vendin e duhur në momentin e duhur, për të tundur rrjetën e Mamardashvili. Rezultati shkon në 1 me 1. /i.m /abcnews.al

Ndëshkohet Mirlind Daku, dënimi i parë vjen nga klubi i Rubin Kazan

22 June 2024 at 16:16

Goditja e parë i erdhi. Mirlind Daku do të ndëshkohet nga klubi i tij, Rubin Kazan, pas asaj që ndodhi në përfundim të ndeshjes Kroaci-Shqipëri, me klubin rus, që  njoftoi zyrtarisht në faqen e tij në rrjet se ka marrë një vendim për sulmuesin kuqezi, ndonëse nuk sqaroi se çfarë ndëshkimi do të ketë.

Sipas komunikatës së klubit, Daku do të njoftohet për dënimin kur të kthehet në klub për fazën përgatitore, pas përfundimit të Evropianit dhe të disa ditëve pushim.  Nuk dihet nëse do të ketë thjesht gjobë apo pezullim, ndërsa sulmuesi mundet edhe të largohet nga skuadra pasi atë e kërkojnë klube në Rusi dhe në Evropë.

Daku gjithashtu është nën hetim nga UEFA, ashtu siç janë edhe Federatat e Futbollit të Shqipërisë dhe Kroacisë.

Ai mori megafonin në përfundim të sfidës së Europianit në Hamburg dhe lëshoi thirrje ofenduese ndaj popullit maqedonas, gjë për të cilën Federata e Maqedonisë së Veriut bëri denoncim në UEFA. Shqipëria dhe Kroacia mund të dënohen për thirrje të disa tifozëve “vritini serbët”, po në të njëjtën ndeshje, ndërsa Federata Serbe e Futbollit bëri një ankesë në Nion. /i.m /abcnews.al

Bombardimet izraelite në Gaza, një tjetër fëmijë vdes nga uria

22 June 2024 at 16:14

Një tjetër fëmijë vdiq nga kequshqyerja në Spitalin Kamal Adëan në Gazën Veriore këtë të shtunë, njoftoi drejtori i qendrës shëndetësore.

“Ne humbëm një fëmijë në departamentin e çerdheve të spitalit në orët e fundit për shkak të kequshqyerjes. Ky është fëmija i katërt që vritet në spital gjatë javës së fundit për shkak të kequshqyerjes”, tha Hossam Abu Safiya në një konferencë shtypi të mbajtur në Rripin verior të Gazës.

Abu Safiya tha se gjatë dy javëve të fundit, spitali kishte diagnostikuar mbi 250 fëmijë me simptoma të kequshqyerjes , duke paralajmëruar se Rripi i Gazës “po përballet me një krizë të vërtetë shëndetësore që fillimisht prek fëmijët dhe mund të shtrihet tek të rriturit”.

Ai theksoi se lindjet e parakohshme të fundit në spital i atribuohen kequshqyerjes së nënës.

/abcnews.al

Sarandë, 2-vjeçari paraqitet në gjendje të rëndë në spital, dyshohet se…

22 June 2024 at 15:57

Një fëmijë 2 vjeç është paraqitur në spital në gjendje të rëndë në Sarandë.

Fëmija dyshohet se ka pirë një sasi medikamentesh. I është dhënë ndihma e parë dhe për shkak të gjendjes është nisur me helikopter për mjekim më të specializuar drejt Tiranës.

Policia e Sarandës ka nisur hetimet për rastin.

Kina dhe Franca nisin misionin drejt hapësirës për të kuptuar më mirë gjithësinë

By: rom ario
22 June 2024 at 16:33

Një satelit i Francës dhe Kinës është lëshuar të shtunën drejt hapësirës, për të kuptuar më shumë për shpërthimet e fuqishme që ndodhin në gjithësi, dhe duke shënuar një shembull bashkëpunimi në mes të një fuqie perëndimore dhe gjigantit aziatik.

I zhvilluar prej inxhinierëve të të dyja shteteve, sateliti bart katër instrumente – dy franceze dhe dy kineze – të cilat do të jenë në kërkim të shpërthimeve të rrezeve gama, dritës që udhëton miliarda vjet për të arritur në Tokë.

Saliteti 930-kilomgramësh është nisur me sukses në Hapësirë dhe është nisur prej bazës Ksiçant në provincën kineze Siçuan, ka thënë Administrata Kombëtare kineze për Hapësirë.

Shpërthimet e rrezeve gama mund të ndodhin pas shpërthimeve të yjeve gjigantë – rreth 20 herë më të mëdhenj se Dielli – apo nga shkrirja e ndonjë ylli.

Këto rreze, jashtëzakonisht të fuqishme, mund të lëshojnë energji ekuivalente me më shumë se një miliard diej.

“Vëzhgimi i tyre është sikurse “kthimi mbrapa në kohë, pasi drita prej këtyre objekteve merr tepër shumë kohë për të arritur te ne”, ka thënë Ore Gottlieb, astrofiziant në Qendrën për Astrofizikë të Institutit Flatirion në Nju Jork, në disa përgjigje për agjencinë e lajmeve AFP.

Pasi të analizohen, të dhënat besohet se do të ndihmojnë në të kuptuarit më të mirë të hapësirës, dinamikës së saj dhe galaksive tjera, shkruan REL.

Bashkëpunimi hapësinor i këtij niveli në mes të Kinës dhe Perëndimit është shumë i pazakonshëm, sidomos pasi Shtetet e Bashkuara e kanë ndalur tërësisht bashkëpunimin në mes të Agjencisë amerikane të Hapësirës [NASA], dhe Pekinit, qysh prej vitit 2011.

LEXONI GJITHASHTU:

The post Kina dhe Franca nisin misionin drejt hapësirës për të kuptuar më mirë gjithësinë appeared first on Euronews Albania.

Nga vera te birra, si po evoluon industria franceze në Evropë

By: rom ario
22 June 2024 at 16:28

Në vendin ku tradicionalisht prodhohet birrë, Belgjika, ka hyrë një rivale e re, Franca. Në dhjetë vitet e fundit, prodhuesit francezë të birrës kanë rritur prodhimin dhe produktet e tyre po fitojnë popullaritet në Belgjikë.

“E pij sepse shija e saj është ndryshe nga ajo që mund të gjejmë në Belgjikë. Më duket e freskët, me pak shije limoni dhe më kujton birrën e bardhë”, tha një burrë i intervistuar.

Një birrë e veçantë është birra e prodhuar nga Birraria e Baronit në Gusinje, që ndodhet fare pak kilometra nga kufiri.

Disa mijëra shishe lënë birrarinë çdo vit, me 10% të tyre që kanë si destinacion Belgjikën. Por, sipas një prodhuesi belg, fluksi i birrave po shkon në dy drejtime.

“Ne po shohim se birrat franceze që po ecin mirë dhe kanë po zënë vend në territorin belg. Por shohim gjithashtu birrat rajonale, që kalojnë kufirin dhe ecin në veri të Francës. Besoj se në këtë mënyrë po vendoset një balancë. Nëse cilësia është aty, atëherë ka hapësirë për të gjithë”, tha Hugues Glatigny, prodhues birre, Belgjikë.

Në këto kushte, ndërroni gotat e verës me ato të birrës, pasi Franca mund të kthehet në një vend me birrëdashës.

LEXONI GJITHASHTU:

The post Nga vera te birra, si po evoluon industria franceze në Evropë appeared first on Euronews Albania.

Në spital në gjendje të rëndë, 2-vjeçari me helikopter drej Tiranës! Çfarë dyshohet

By: rom ario
22 June 2024 at 15:50

Një fëmijë 2 vjeç është paraqitur në spitalin e Sarandës në gjendje të rëndë shëndetësore.

Sipas burimeve për Euronews Albania, fëmija dyshohet se ka pirë një sasi medikamentesh, ç’ka ka bërë që gjendja e tij të përkeqësohet.

Po ashtu mësohet se i është dhënë ndihma e parë në Spitalin e Sarandës dhe për shkak të gjendjes së rënduar, është nisur me helikopter për mjekim më të specializuar drejt Tiranës.

Policia e Sarandës ka nisur hetimet për të bërë zbardhjen e plotë të rrethanave të ngjarjes.

LEXONI GJITHASHTU:

The post Në spital në gjendje të rëndë, 2-vjeçari me helikopter drej Tiranës! Çfarë dyshohet appeared first on Euronews Albania.

Hamasi: Sulmet izraelite në Gaza vranë të paktën 42 persona

By: rom ario
22 June 2024 at 15:38

Dy sulme ajrore izraelite në disa ndërtesa në qytetin e Gazës kanë vrarë të paktën 42 persona dhe kanë plagosur shumë të tjerë, thotë Hamasi.

Sipas mediave të huaja, ushtria izraelite tha se avionët luftarakë kishin goditur dy objekte të infrastrukturës ushtarake të Hamasit dhe do të jepte më shumë detaje më vonë.

Një zëdhënës i mbrojtjes civile të Gazës tha se një bllok banimi në zonën al-Shati, një nga kampet historike të refugjatëve të Gazës, u godit disa herë.

Pamjet treguan njerëz duke marrë me vete të plagosurit dhe duke kërkuar për të mbijetuar në rrënoja, ndërsa pluhuri mbushi rrugët.

Zyra e mediave qeveritare e Hamasit në Gaza tha se sulmi në al-Shati vrau 24 njerëz dhe sulmi në zonën al-Tuffah të qytetit të Gazës vrau 18 njerëz.

Izraeli filloi një fushatë për të shkatërruar Hamasin në përgjigje të një sulmi të paprecedentë në Izraelin jugor më 7 tetor, gjatë të cilit rreth 1200 njerëz, kryesisht civilë, u vranë dhe 251 të tjerë u morën peng.

Më shumë se 37,551 njerëz janë vrarë në Gaza që atëherë, sipas Ministrisë së Shëndetësisë të kontrolluar nga Hamasi.

Shifrat e saj nuk bëjnë dallime midis civilëve dhe luftëtarëve, por thuhet se kishte identifikuar 14,680 fëmijë, gra dhe të moshuar mes të vdekurve deri në fund të prillit.

LEXONI GJITHASHTU:

The post Hamasi: Sulmet izraelite në Gaza vranë të paktën 42 persona appeared first on Euronews Albania.

Gjykata Supreme përmbys dënimin me vdekje për reperin iranian

By: rom ario
22 June 2024 at 15:24

Gjykata Supreme në Iran e ka përmbysur dënimin me vdekje kundër reperit Toomaj Salehi, ka bërë të ditur të shtunën avokati i tij.

Në prill, Salehi është dënuar me vdekje nga një gjykatë në Isfahan, nën akuzën “korrupsion në Tokë”, teksa ka qenë duke kryer një dënim tjetër me burgim, për pjesëmarrje në protestat e vitit 2022, që patën tronditur Iranin për disa muaj.

“Siç ishte pritur, Gjykata Supreme e ka shmangur një gabim gjyqësor të papërmirësueshëm”, ka thënë avokati i Salehit, Amir Raisian, në një postim në X – platformë e njohur më parë si Twitter.

“Dënimi me vdekje është përmbysur dhe bazuar në vendimin e Gjykatës Supreme, rasti do të referohet te një degë paralele për rishqyrtim”.

Salehi, 33-vjeçar, është arrestuar për herë të parë në tetor të vitit 2022, pasi është deklaruar publikisht në mbështetje të protestave që kanë shpërthyer në shtator të atij viti, pas vdekjes së Mahsa Aminit, 22-vjaçares, e cila vdekur sa ka qenë në mbajtje policore, me arsyetimin se nuk e ka vendosur si duhet mbulesën në kokë.

Ai është liruar dhe riarrestuar disa herë prej atëherë, për shkak të vendimeve të ndryshme që kanë marrë gjykatat.

Salehi ka fituar vëmendje për tekstet e këngëve të tij, me tema kundër korrupsionit, varfërisë, ekzekutimeve dhe vrasjes së protestuesve në Iran, shkruan REL.

Ai, gjithashtu, ka folur edhe për rritjen e dallimeve mes banorëve iranianë dhe udhëheqësisë së shtetit, duke akuzuar autoritetet se kanë “ngufatur” njerëzit, pa pasur parasysh mirëqenien.

LEXONI GJITHASHTU:

The post Gjykata Supreme përmbys dënimin me vdekje për reperin iranian appeared first on Euronews Albania.

Euro 2024| Bajrami: Spanja ekip me kualitet, duhet të japim maksimumin në lojë

By: rom ario
22 June 2024 at 15:16

Futbollisti i Kombëtares, Nedim Bajrami, tha se Shqipëria duhet të japë maksimumin e saj në ndeshjen e ditës së hënë me Spanjën.

Komentet Bajrami i bëri në një deklaratë për mediat, ku tha se Spanja është një skuadër favorite për të fituar Euro 2024.

Bajrami tha gjithashtu se nuk kishte informacion se me çfarë formacioni do të luante Spanja, por shtoi se Kombëtarja shqiptare duhet të fokusohet te loja e vetë dhe rastet për gol.

Ai shtoi gjithashtu se ishte i gatshëm të luante në çdo pozicion që do e caktonte trajneri në ndeshjen me Spanjën.

“E dinë të gjithë që Spanja është një skuadër favorite për të fituar Europianin. Duhet të përgatitemi shumë mirë për atë ndeshje. Të gjithë çunat duhet të jenë gati. S’ka rëndësi kush do luajë e kush futet, duhet me dhënë maksimumin. Ato raste që i kemi ndeshje duhet me dhënë gol apo me bo maksimumin.

Besoj se me Italinë e patë vetë që e filluam ndeshjen mirë. Pastaj Italia shënoi dy gola. Edhe me Kroacinë e bëmë një djeshje shumë të bukur, ku luftuam deri në fund. Me Spanjën e dimë të gjithë që janë lojtarë shumë të fortë. Nuk ka rëndësi se kush do luajë te Spanja, sepse i gjithë ekipi ka kualitet.

Ne duhet të fokusohemi te loja jonë dhe të japim maksimumin. Jemi duke luajtur me një nivel internacional dhe duhet të jemi më konkret para golit. Ku ka nevojë unë jam gati. Në Futboll nuk ka dhurata, duhet të fokusohemi te loja jonë. Të japim maksimumin”, tha Bajrami.

LEXONI GJITHASHTU:

The post Euro 2024| Bajrami: Spanja ekip me kualitet, duhet të japim maksimumin në lojë appeared first on Euronews Albania.

Blegtoria po shuhet në Shqipëri, 35 mijë gjedhë më pak se një vit më parë

By: Ardit
22 June 2024 at 16:52

Blegtoria po shuhet. Vetëm vitin e fundit, numri i gjedhëve është pakësuar me 35 mijë. Nga 298 mijë lopë apo mëshqerra, të dhënat nga Instituti i Statistikave tregojnë se numri i tyre u tkurr në vetëm 263 mijë fund-vitin e shkuar. Edhe më e fortë rezulton rënie nëse shifrat krahasohen me vitin 2019. “Blegtoria te […]

The post Blegtoria po shuhet në Shqipëri, 35 mijë gjedhë më pak se një vit më parë appeared first on BoldNews.al.

Elbasani arrin akordin me lojtarin e Moldavisë, pranë firmës edhe Emiljano Musta

By: armand
22 June 2024 at 16:47

Elbasani merr në skuadër futbollistin e Kombëtares së Moldavisë, Kristian Dros. Mësohet se palët kanë arritur akordin dhe brenda pak ditësh mesfushori pritet të zbarkojë në Elbasan dhe të vihet menjëherë nën urdhrat e teknikut Nevil Dede. Dros ka luajtur 15 takime me Kombëtaren e Moldavisë, ndërsa më herët ka luajtur me të gjitha kombëtaret […]

The post Elbasani arrin akordin me lojtarin e Moldavisë, pranë firmës edhe Emiljano Musta appeared first on BoldNews.al.

Ngriti skemë mashtruese me TVSH, dënohet me 6 vite burg 46-vjeçari

By: Ardit
22 June 2024 at 16:37

Është dënuar nga Gjykata e Sarandës, me 6 vite burg 46-vjeçari, Erion Berberi, i cili u akuzua nga Prokuroria e Sarandës për veprën penale “krijimi i skemave mashtruese lidhur me tatimin mbi vlerën e shtuar” kryer në bashkëpunim sipas neneve 144/a e 25 të Kodit Penal. 46-vjeçari rezulton person me precedentë penalë, pasi ka qenë […]

The post Ngriti skemë mashtruese me TVSH, dënohet me 6 vite burg 46-vjeçari appeared first on BoldNews.al.

Balliu fton lojtarët spanjollë: Nëse silleni mirë, hajdeni në plazhet e Shqipërisë!

By: armand
22 June 2024 at 16:34

Shqipërisë i duhen tre pikët në ndeshjen e fundit të Grupit B kundër Spanjës për të vijuar ëndrrën në Euro 2024. Një mision i vështirë, por jo i pamundur sidomos për faktin se tashmë iberikasit e kanë siguruar kualifikimin për në 1/16-tat dhe ndaj kuqezinjve do të zbresin në fushë me linjat e dyta. Në […]

The post Balliu fton lojtarët spanjollë: Nëse silleni mirë, hajdeni në plazhet e Shqipërisë! appeared first on BoldNews.al.

❌
❌