Rreshjet e dendura përmbytin Tiranën

   06:00 31/12/1969

Problematike paraqitet situata në parkingun në afërsi të parkut të lojrave, i cili është mbushur me ujë dhe dhjetra makina janë zhytur tërësisht. Ndërkohë në rrugën Karl Gega, dy banesa janë përmbytur.
PAMJE

TIRANE- 

Seferi: Situata shqetësuese nga mbingarkesa e kolektorëve

Ora: 17:30- I kontaktuar në telefon nga televizioni “News24”, drejtuesi i punëve publike në bashkinë e Tiranës, Arben Seferi konfirmon se situata në kryeqytet është shumë shqetësuese por nuk ka ardhur për shkak të mosfunksionimit të bashkisë së Tiranës.

“Situata është shqetësuese për shkak të reshjeve të shumta por kjo nuk është nga mos funksionimi i Bashkisë. Lumi i Lanës është plotësisht i mbushur, kanalizimet janë në gjendje pune por problem mbeten kolektorët e shkarkimit të ujrave” theksoi Seferi.

Ndërkohë Seferi bën të ditur se përmbytje ka patur në zonën e Don Boskos, në rrugën Jordan Misja, tek Misto Mame, në rrugën Karl Gega, rruga e Elbasanit dhe në një zonë të Porcelanit.

Tirana permbytet nga rreshjet

Ora: 17:15- Përmbytje të mëdha në qendër të Tiranës. Për shkak të rreshjeve të dendura të rëna përpara një ore dhjetra makina janë mbuluar totalisht nga uji në parkingun afër këndit të lojrave në rrugën e Elbasanit. Makinat janë zhytur tërësisht në ujë pas rënies së rreshjeve të dendura për rreth një orë pa pushim.

Edhe në rrugën “Karl Gega” në zonën e Frigoriferit ka patur përmbytje dhe si rezultat dy banesa janë mbushur me ujë. Policia ka mbërritur në vendngjarje duke evakuuar banorët të cilat po përpiqeshin të mbanin ujin jashtë shtëpive.

Edhe në rrugën e Durrësit, në rrugën Don Bosko dhe në Laprakë ka patur përmbytje.
(e.n/BalkanWeb)

Komente: