Lajme te tjera
- Banka Botërore jep 20 milionë USD për 2 projekte
- Konferenca për Ballkanin Perëndimor në pikëpyetje
- Një ministër largohet nga qeveria e Kosovës
- Belgjika gati të ndihmojë Kosovën në rrugën e integrimit
- Thaçi: Integrimi i serbëve, me dialog jo me dhunë
- Kuçi: Nuk ka arsye për t'i kërkuar falje NATO-s
- SHBA tërheq 570 trupa nga Kosova
- Pahor në Kosovë: Thaci e Tadic bashkë në Kranj
- Kryeministri i Belgjikës, Leterme sot në Prishtinë
- Raportet KFOR-FSK, ende të paqarta
ISG mbështet strategjinë për integrimin e veriut
VJENE- Grupi Drejtues Ndërkombëtar për Kosovën (ISG) në takimin e së hënës në Vjenë i ka dhënë mbështetje strategjisë së autoriteteve vendore dhe ndërkombëtare për integrimin e veriut të Kosovës, ndërsa i ka kërkuar Serbisë të ketë një rol konstruktiv në këtë drejtim.
Grupi, që përbëhet nga përfaqësues të 25 vendeve që kanë njohur pavarësinë e Kosovës, u mblodh në prag të dyvjetorit të funksionimit të Kosovës si shtet për të vlerësuar përparimet e bëra në zbatimin e planit të Ahtisarit.
Integrimi i të gjitha komuniteteve në shoqërinë kosovare, sidomos i atij serb, u vlerësua si sfidë kyçe për të siguruar të ardhme të qëndrueshme dhe për të forcuar demokracinë në Kosovë.
Përmes një komunikate për media, Grupi Drejtues Ndërkombëtar për Kosovën u bëri thirrje të gjitha palëve, përfshirë edhe Republikën e Serbisë, që të luajnë rol konstruktiv për të siguruar kushte më të mira për jetesë në veri të Kosovës.
“Integriteti territorial i Kosovës është i lidhur ngushtë me stabilitetin rajonal. Bashkëpunimi i zgjeruar rajonal është në interesin më të mirë të Ballkanit Perëndimor dhe Perspektivës së tij Evropiane”, thuhet ndër të tjera në komunikatën e Grupit Drejtues Ndërkombëtar, ku Kosovës, Serbisë dhe shteteve fqinje u bëhet thirrje të angazhohen në dialogun pragmatik për çështjet e përbashkëta.
Në takimin e Vjenës, u rishqyrtua edhe mandati i kreut të Zyrës Civile Ndërkombëtare, Pieter Feith, i cili është edhe përfaqësues i Bashkimit Evropian në Kosovë.
(s.g/bbc/balkanWeb)
